Даночен референт од одделението на УЈП во Куманово денеска била физички нападната од даночен обврзник додека ги вршела службените должности.
Како што соопшти УЈП, службеничката која вршела достава на опомени за неплатена радиодифузна такса на граѓани, била физички нападната од страна на даночниот обврзник, кој истовремено брутално и ги одземал и запалил службените акти.
Случајот е пријавен во СВР Куманово.
– Ваквите инциденти се исклучоци, Управата за јавни приходи изразува згрозеност од бруталноста и навредите кои се упатуваат кон даночниците, а посебно кога се доведува во прашање безбедноста и здравјето на вработените при вршење на професионалните должности, стои во соопштението од УЈП.