Три маскирани лица синоќа околу 23:30 часот физички го нападнале 48-годишниот Горан Наумовски, сопственик на интернет порталот „Репортер“.
Како што денеска соопшти МВР, на Наумовски му се нанесени повреди во пределот на главата, скршена му е едната рака и рамото. По инцидентот тој е пренесен и задржан на лекување во Градската општа болница „Наум Охридски“.
Според Наумовски, кога синоќа излегол од својот автомобил пред зградата каде што живее и кога се упатил кон влезот ненадејно бил нападнат од три маскирани лица, облечени во црно, кои што се нафрлиле на него и го мавале со метални шипки по целото тело.
Се преземаат мерки за откривање на сторителите. Полицијата синоќа беше во градската болница каде што е задржан Наумовски и земаше исказ од основачот на „Репортер.мк“.