Социјалниот центар „Дуња“ во рамки на редовната програма од Дебатното кино „Контра кадар“, вечер ќе го прикаже филмот „The Saint of Fort Washington“ од 1993 година, а потоа ќе организира дискусија на тема: „Бездомниците – (не)видливи за системот“.
Во дискусијата ќе се разговара со дел од волонтерите во акцијата за помош на бездомниците во Социјалниот центар „Дуња“ и за личните проблеми со кои на улица се соочува Ванчо Спасовски кој ќе биде гостин на настанот.
Дебатно кино е културна иницијатива што организира седмични филмски проекции по кои следува дискусија за прашањата што филмот ги загатнува.
– Филмот служи како референтна точка за дикскусиите, но заедничката рефлекција на отворените прашања е главната цел на седмичните собири, додека анализата на самиот филм е во втор план. Филмската програма на „Контра кадар“ е жанровски, стилски и тематски хетерогена… Цел на иницијативата е да одржува континуирана филмска и дебатна култура и да овозможи споделување на мислењата на што повеќе поедници по однос на привремено или постојано актуелните општествени теми.