Филипче: За празниците да нема мешање на повеќе семејства

Од:

Главната порака е луѓето да се воздржат од излегување овој период ако немаат некоја голема потреба. Да не се групираат на штандовите. За време на претстојните празници, слави, на новогодишната ноќ граѓаните да останат во рамките на своето семејство, заради тоа што видовме дека мини кластери потекнуваат таму каде има поголем број луѓе од повеќе семејства, истакна денеска министерот за здравство Венко Филипче.

Не постои можност, посочи министерот, да се влезе во домот, загарантиран е интегритетот и тоа е согласно Уставот и тоа ни беше укажано кога го носевме новиот Закон за заштита на населението од заразни болести.

– Многу лесно се спроведува контролата надвор или на некои собири, во молови заради тоа што сега имаат големи ингеренции инспекторатите. Останува на свеста на граѓаните и затоа секојдневно апелираме да се почитуваат овие мерки. Да не се мешаат повеќе семејства заедно тоа е главниот ризик. Мерките се на сила од овој петок (18 декември) до 20 јануари, рече Филипче одговарајќи на новинарски прашања по прес-конференцијата пред Клиникат за детски болести.

Тој посочи дека и сегашната ситуација е доказ дека отворените граници не се ризик за влошување на епидемиолошката ситуација.

– Сепак локалната трансмисија е главниот можен ризик и затоа се и така препорачани мерките, додаде Филипче.

Би можело да ве интересира

Продолжува скринингот за Ковид-19 во средните училишта

Ана Ололовска

Сопствениците на ноќни клубови најавија граѓанска непослушност

А1он

487 нови позитивни случаи, вкупно 20 починати лица

Ана Ололовска

Тестираните 68 ученици од „Зеф Љуш Марку“ се негативни, скрининг се спроведува и во училиштето „Панче Караѓозов“

Ана Ололовска

Почнува скринингот на скопските средношколци

Ана Ололовска

Осум починати и 472 новозаразени од Ковид-19

А1он