Филипче: Реновиран Центарот за дијабетес при Универзитетската Клиника за ендокринологија

Од:

Министерот за здравство, доц. д-р Венко Филипче вчера ја посети Универзитетската клиника за ендокринологија, дијабетес и болести на метаболизмот, каде е извршена реконструкција на амбулантско-поликлиничкиот дел за прием на пациенти со дијабетес – Центарот за дијабетес.

Продолжуваме со реконструкции и во услови на пандемија. Реконструиран Центарот за дијабетес при Клиниката за ендокринологија.

Posted by Венко Филипче on Четврток, 24 септември 2020

„На Клиниката за ендокринологија комплетно реновиравме 5 дијабетолошки амбуланти, направена е посебна амбуланта за преглед на итни пациенти со ургентни дијабетолошки компликации. Исто така, отворен е Кабинет за дијабетично стапало и опремен со термален скенер за стапало и дигитален биотензиометар – вибротест. Пациентите со дијабетес може да имаат сериозни и несакани последици од ковид инфекција и затоа посебно се водеше сметка да се осовремени Центарот за дијабетес со цел спроведување на посебните протоколи кои се неопходни при преглед на амбулантски болни во услови на пандемија. Изминатиот период имавме сериозни инфраструктурни зајакнувања на здравствени установи кои и во услови на пандемија со ковид-19 непречено продолжуваат, а таков е примерот и со оваа Клиника.“, – истакнува министерот Филипче по посетата на оваа установа.

Во оваа установа регулиран е протокот на болните, дефинирани се патеки на движење во согласност со протоколите за одржување на дистанца, сите амбуланти се опремени со UV ламби со цел темелна дезинфекција на просторот.

„Изминатиот период на Клиниката целосно беа реновирани одделот за интензивна нега, дел од болничкото одделение и собата за изолација. За офталмолошкиот кабинет беше набавена фундус камера, биомикроскоп за преглед на предниот очен сегмент и апарат за бесконтактно мерење на очен притисок, а оваа јавно-здравствена установа е вклучена во интернационален проект од светски рамки за ран скрининг на компликации од дијабетична ретинопатија. Набавени се и два ехо апарати за преглед на тироидна жлезда, за ендокринолошката амбуланта”, вели директорката на установата д-р Саша Јовановска Мишевска.

Овие активности се дел од долгорочната стратегија за унапредување на услугите во јавното здравство и подобрување на условите за работа на здравствените работници. Со несмалено темпо продолжуваме да го подигнуваме нивото и квалитетот на здравствена заштита и значително да вложуваме во инфраструктурното зајакнување на установите.

Би можело да ве интересира

Филипче: Се подготвуваат дополнителни болнички капацитети за заболените, граѓаните да ги почитуваат мерките

Ана Ололовска

Филипче: Правиме план за зголемување на здравствени капацитети во интерните одделенија низ земјата

Ана Ололовска

Филипче: Од почеток на ковид кризата, од опозицијата не видовме ништо друго освен опструкции и критики

Ана Ололовска

Вакцини против грип кон крајот на месецов, бесплатни за ризични групи, ќе има дополнителни вакцинални пунктови

Ана Ололовска

Полската болница зависи од потребите и плановите на МЗ, МО и Армијата се на располагање, вели Шекеринска

Ана Ололовска

Филипче: Благодарност до граѓанските организации кои и во ковид криза ни помагаат – тогаш кога е најпотребно

Ана Ололовска