Филипче: Најразочарани од работата на Владата во првите три месеци се работниците

Од:

Има големо разочарување од првите месеци од работата на Владата на ВМРО-ДПМНЕ а најразочарани се работниците кои се надевале на повисоки плати од новата Влада, рече претседателот на СДСМ, Венко Филипче кој денеска е во посета на Берово.

„Се сретнав со работници, со млади и возрасни. Кај сите нив има огромно разочарување од првите месеци на Владата. Најразочарани се работниците и оние кои со многу труд и чесно ги заработуваат парите. Тоа се оние за кои седум години СДСМ обезбедуваше пари за повисоки плати и ги штитеше во кризи. Тие се надевале на подобар стандард и повисоки плати од новата Влада, но по само два месеци на сите им е јасно дека се враќа политиката на понижување на работниците“, рече Филипче.

ВМРО-ДПМНЕ ги лажеше граѓаните во кампањата дека ќе има повисоки плати, но веднаш откако седнаа во фотелјите го покажаа вистинското лице, додаде тој.

„Влада која одбива да ги покачи платите е Влада која не се грижи за луѓето. Едноставно ВМРО-ДПМНЕ ја враќа политиката на евтина работна сила. Сметам дека покачувањето на платите ќе се користи само за изборен поткуп кога ќе им требаат гласовите на луѓето пред избори. Ова се политиките од пред 2016 година. Верувам дека граѓаните нема да дозволат два пати да бидат излажани и понижени. Тоа денес го видов и го слушнав од луѓето и силно верувам дека ваквите политики нема да добијат поддршка“, рече Филипче.

Разликата меѓу СДСМ и ВМРО-ДПМНЕ е тоа што СДСМ ги покачуваше платите континуирано и се грижеше за стандардот на работниците, на граѓаните, додаде тој.

Би можело да ве интересира

Филипче од Париз: Потребен е проактивен пристап и политички консензус за напредок кон ЕУ

Филипче: Мора да продолжиме по европскиот пат, резолуцијата за ЕУ ќе биде гаранција за заштита на националните интереси

И СДСМ обвинува дека преку тендер кој го распишал Јанушев ќе се финансира кампањата на ВМРО-ДПМНЕ

Катерина Ѓуровски

СДСМ: Орце Ѓорѓиевски ги лаже скопјани со „EXIT“

(ВИДЕО) Филипче: На чекор сме од Европа, тој чекор мора да го направиме сами, но заедно и обединето

Кузеска: Ако СДСМ прислушкувала, зошто ВМРО-ДПМНЕ се плаши да декласифицира