Филипче најави тужба: ВМРО-ДПМНЕ на најподмолен начин се обидува да собере политички поени од прерано згаснат човечки живот

Од:

Министерот за здравство, Венко Филипче најави тужба во случај да не добие извинување за обвинувањата дека заедно со директорот на штипската болница се обидуваат да го заташкаат случајот со 41-годишната почината жена заболена од ковид-19 во болницата во Штип кои на прес конференција ги искажа пратеникот на ВМРО-ДПМНЕ, Иван Јорданов.

ВМРО-ДПМНЕ на најподмолен начин се обидува да собере политички поени од прерано згаснат човечки живот! Во моментов течат законските рокови за случајот во пациентката од Штип. Директорот на болницата најдоцна до утре треба да испрати извештај до ДСЗИ, по што ќе се формира Комисија за вонреден стручен надзор, реагира попладнево министерот за здравство Венко Филипче во објава на социјалните мрежи.

„Ова е независен надзор и апсолутно е неточно дека директорот на болницата самиот на себе ќе си врши надзор како што наведува ВМРО-ДПМНЕ. Од партијата или не го познаваат системот на надзори или свесно манипулираат како што всушност се однесуваат цели осум месеци од почетокот на кризата. Барам итно извинување за ова грозно обвинување во спротивно ќе поднесам тужба за клевета, пишува Филипче.

Би можело да ве интересира

396 нови случаи на Ковид-19, починале петнаесет луѓе

Жарко Настоски

Епископот Партениј: Да не се прави „теологија“ од вакцинирањето, ова прашање не е во надлежност на црквата, туку на медицината

Жарко Настоски

36 нови пациенти во ковид центрите во Скопје во последните 24 часа

Филипче даваше изјава без да обезбеди услови за медиумите и спротивно на протоколот

ВМРО-ДПМНЕ бара повлекување на Законот за попис

Младите лекари и специјализанти: Ивермектинот е приказна за занимација на јавноста, а вакцинацијата е решение

Кристијан Ландов