Филипче: На почетокот на идната година нова опрема за болниците, предвидени се и нови вработувања

Од:

Во скоро време се очекува започнување на постапката за набавка на нова опрема за пет болници низ државата, најави денеска министерот за здравство Венко Филипче, кој ја посети Клиничката болница во Тетово.

Според него, уште на почетокот на 2020 година болниците ќе може таа опрема да ја користат.

– За опремување на Ургентниот центар во Тетово, како и болниците во Струмица, Штип и болницата „Свети Еразмо“ во Охрид сме имале разговори со премиерот Заев и има финансиска поддршка за купување нова опрема. Постапката ќе ја започнеме, а на почеток на следната година ќе биде инсталирана и на располагање, најави Филипче.

Тој истакна дека се работи на тоа што поскоро да профункционира новиот систем за патронажи посети во оддалечените рурални места.

– Дефицитот со кој се соочени рурални далечни места ќе се надминува со имплементирање на мерката за патронажни сервиси. Млади лекари со лиценца ќе бидат дел од здравствените домови како патронажни сервиси и вакцинални пунтови и по принцип на ротации ќе даваат услуги во оддалечените места. Со истиот систем на ротација и ќе фунционираат и мобилни аптеки, сега кога со ослободување од квотите нема да има проблем за испорака на лекови, рече Филипче.

Посочи дека лекари кои сакаат да преминат од приватниот сектор во јавните здравствени установи тоа ќе можат да го направат согласно трендот на одобрување на согласностите за вработување во јавното здравството, каде во изминатите две години се бележат вкупно 5.000 нови вработувања, и додаде дека секоја установа за најмалку 10 отсто го зголемила својот кадровски капацитет.

Би можело да ве интересира

Во ЕУ пет, во Македонија има 4,2 болнички кревети на 1 000 жители

Ландов

ЕСЕ: Најмалку 100 илјади граѓани немаат пристап до една или повеќе основни здравствени услуги

Ана Ололовска

„Вистини за дискус херниите низ приказни од животот“ од проф. д-р Миодраг Врчаковски

Ана Ололовска

Во текот на денов ќе функционираат дежурните ординации во скопските поликлиники

Ана Ололовска

Синдикатот на Клинички центар ги повикува надлежните да ги повлечат вработените во здравствените установи од избирачките одбори и комисии

Ана Ололовска

Комплетно реновирани амбулантскиот дел, Ургентниот центар и чекалната на Клиниката за детски болести

Ана Ололовска