Филипче: Малите сипаници нè загрижуваат, не сакаме да дозволиме да ни се вратат болести кои што се искоренети

Од:

Епидемиите кои што ни се јавуваат на мали сипаници многу нè загрижуваат, не сакаме да дозволиме да ни се вратат некои болести кои што многу одамна веќе биле искоренети во нашата земја, изјави денеска министерот за здравство Венко Филипче.

– Вакцините се многу важни. Епидемиите кои што ни се јавуваат на мали сипаници многу нè загрижуваат, не сакаме да дозволиме да ни се вратат некои болести кои што многу одамна веќе биле искоренети во нашата земја. Гледам многу лоши примери околните земји. Покренавме многу кампањи заради тоа што навистина сметаме дека дечињата немаат апсолутно никаков ризик од вакцините, ниту пак може тие да се доведат во врска со било кое пореметување на здравјето. Тоа само едни анти-кампањи кои што се темелат на неточни податоци, изјави Филипче.

Министерот Филипче, на доделувањето на наградите на конкурсот за ликовни творби на тема „Чисти раце-Добро здравјe“, на дечињата им укажа на тоа дека одржувањето на хигиената е многу важно и значи добро здравје.

– Рачињата мора постојано да ги миете, заради тоа што фаќаме се со рацете и се лепат бактери и нечистотија, доколку рачињата не се измијат. Тоа преку храната може да се внесе во устата и на тој начин настануваат многу болести и инфекции, ги предупреди присутните деца министерот Филипче.

Конкурсот по повод 15 октомври – Светскиот ден за миење на рацете и ден за подигнување на свеста за чисти раце и грижа за нашето здравје е во организација на Министерство за здравство со поддршка на Министерство за образование и наука, и во него учествуваа повеќе од 500 ученици од I до V одделение од сите oсновни uчилишта во Република Македонија.

Би можело да ве интересира

(ВИДЕО) Филипче: Ацо Велковски е човек со дела зад себе, победата во Лозово е на дофат

Филипче: ВМРО-ДПМНЕ со поголема Коалиција изгуби 140.000 гласови и тоа е сериозен политички сигнал

Филипче од Јакреново: Таму каде што СДСМ има градоначалници, има резултати

(ВИДЕО) Филипче: Со Христоски ќе продолжи развојот на Крушево, тој е гаранција за општина во служба на граѓаните

Горан Наумовски

Мицкоски: Филипче со контрадикторни изјави, ако е краток периодот да се цени неговата работа во СДСМ тогаш е краток и за да се цени работата на Владата

(ВИДЕО) Филипче: Многу е важно избраните градоначалници и советници да добијат легитимитет од голем број граѓани

Горан Наумовски