Филипче: Добивме дополнителни 100 кревети во старата Систина, опремата и кадарот ќе бидат од приватните болници

Од:

Министерот за здравство д-р Венко Филипче, вечерва по состанокот со сопствениците на приватните болници на „Жан Митрев“, „Систина“ и „Ремедика“,во изјава за медиумите истакна дека е постигнат договор и обезбеден е дополнителен капацитет од 100 кревети за третман на ковид пациенти. Станува збор за ресурси коишто државата ќе ги користи од приватните болници.

„Заеднички се договоривме тоа да биде болницата „Мала Богородица“ – старата болница на Систина кадешто може да се сместат 100 пациенти. Целосно ќе бидат опремени од страна на сите приватни болници со нивни заеднички договор. Од таму ќе биде обезбеден и кадар и материјали. И за сето тоа соодветен надоместок согласно постојните закони ќе плаќа државата“, потенцираше Филипче и додаде дека дополнителниот капацитет од 100 кревети ќе бидат на располагање некаде на крајот на неделата.

Министерот Филипче информираше дека и во нашите болници има доволен број на кревети. Тој изјави дека утрово имал координација со директорите на клиниките и ГОБ „8 Септември“, а во секојдневна комуникација исто така е и со директорите на клиничките и општи болници.

Филипче рече дека целосно ќе биде опремена болницата „Мала Богородица“. Треба да се инсталира кислород, што ќе биде готово за неколку денови и треба да се донесе опремата којашто физички не е таму.

„Секој ќе партиципира согласно можностите, согласно големината, согласно капацитетите. Така да, тој број на 100тина кревети верувам дека во следниот период којшто доаѓа ќе биде сосем доволен оваа криза да се изменаџира“, посочи Филипче и додаде дека граѓаните нема да сносат дополнителен трошок, односно ќе биде на трошок на државата. Кадарот ќе биде целосно од приватните болници.

Би можело да ве интересира

Охрид воведува тимови со здравствени експерти за помош на лица со попреченост и заболени од Ковид-19

Ана Ололовска

Прилеп бара дополнителни рестриктивни мерки, Гостивар во дилема

Ана Ололовска

Во Скопје уште девет жртви на Ковид-19, само еден од починатите имал над 70 години

Жарко Настоски

1.160 новозаразени со коронавирус, 30 лица починале

Жарко Настоски

Шахпаска на средба со директорите на градинките: Ако ги почитуваме мерките за заштита од Ковид-19 градинките се безбедни

Ана Ололовска

Вирусот се шири преку големи собири и прослави, покажуваат анкетите, кластерите тешко се лоцираат

Кристијан Ландов