Филипче: Да се истражи и реши случајот со фондацијата „Допир“

Министерот за здравство Венко Филипче денеска од Штип повика истражните органи да го истражат и решат случајот со измамата на фондацијата „Допир“ која преку лажни приказни за болни деца украла 50 илјади евра од хумани граѓани.

Тој посочи дека за вакви случаи алармирале и претходно бидејќи по реакциите во јавноста дека државата не дава пари за лекување на болни деца, сами го проверувале секој случај одделно.

– Ние јавно укажуваме дека на ниту едно дете, ниту на возрасен пациент, не му е скратено правото да се лекува во странство. Инициравме дури и проверки преку мобилните оператори дали станува збор за услуга што не се прави во нашата земја и дали воопшто постојат такви пациенти, изјави Филипче.

Одговарајќи на новинарски прашања за тоа колкав е бројот на деца и возрасни пациенти на кои им е потребно лекување во странство, Филипче рече дека точниот број не го знае, но оти во текот на минатите години за лекување во странство се одвојувале од седум до осум милиони евра. Оваа сума, како што посочи, се намалува бидејќи како Министерство се обидуваат да ја зголемат експертизата на македонските лекари.

– Тоа веќе почна да се имплементира во две специјалности. Едната е кардиохиругијата каде благодарение на нашиот експерт кој доаѓа од Франкфурт, веќе на нашата Клиника се изведуваат и најсложените опрации. Досега седум до осум пациенти се третирани кај нас, истакна Филипче.

Втората специјалност е трансплатацијата на коскена срцевина, а откако е воведена од Нова Година, како што посочи Филипче, ниту еден пациент не е испратен во странство. Најави дека во наредниот период ќе продолж експертизата на лекарите и во другите специјалости.

Би можело да ве интересира

По двегодишни најави, следната недела тендер за монтажни гаражи во Клиничкиот центар

Маја Илиевска-Пачемска

Последна шанса за Филипче да го набави лекот за болните од мускулна атрофија

Предраг Петровиќ

Единствениот центар за изгореници во Македонија три години беше магацин, сега е градилиште

Маја Илиевска-Пачемска

Анализа: Кои од министрите на Заев се најголемо разочарување за јавноста

Маја Илиевска-Пачемска

Среде епидемија на морбили, во Кичево нема вакцини

Мери Јордановска

Филипче: Нашите цели се достапна здравствена заштита за сите граѓани

Предраг Петровиќ