Министерот за здравство Венко Филипче на Фејсбук објави дека 91 отсто од здравствените работници кои беа заболени од Ковид-19 сега се целосно оздравени.
Од вкупно 247 здравствени работници заразени со коронавирусот, оздравени се 226, информира Министерството за здравство.
– Им одавам чест за храброста и посветеноста. На сите останати им посакувам брзо закрепнување, додава Филипче во објавата.
Во друга објава, тој посочува и дека до крајот на претстојнава неделата ќе биде финализиран начинот на движење на граѓаните и поминување на границите со соседна Грција.