Филипче: Целосно ги реновиравме хируршките сали на Клиниката за ортопедски болести при ТОАРИЛУЦ

Од:

Кон крајот на 2018 година, се пуштија во употреба комплетно реновираните хируршки сали на Клиниката за ортопедски болести при ТОАРИЛУЦ – Клиниката за трауматологија, ортопедски болести, реанимација, интензивно лекување и ургентен центар. Направена е комплетна реконструкција на операционите сали по сите светски стандарди, информира Министерството за здравство.

Заменети и надградени се сите постојни инсталации. Има нова климатизација и вентилација на салите со комплетна регулација на воздухот. Вградени се нови оперативни столови и нови светла над нив. Исто така, набавена е и нова надстандардна и софистицирана медицинска опрема, велат од МЗ.

„Условите за третман на пациентите во оваа установа се одлични. Пациентите сега имаат врвна медицинска услуга. Го подигнавме здравствениот систем на едно повисоко ниво. Ги подобривме условите во 32 јавно-здравствени установи, а во моментов се подобруваат условите и во други клиники и болници. Пациентите и вработените во јавното здравство конечно ги ставивме на прво место. Продолжуваме преку инфраструктурно инвестирање да им ја олеснуваме работата на сите здравствени работници, а пациентите да бидат задоволни од здравствениот третман“, изјави министерот Филипче.

Целото реновирање чинеше над 30 милиони денари. Најголемиот дел од средствата се преку Фондот за здравствено осигурување, Министерството за здравство и околу 1.5 милиони денари од донации.

Би можело да ве интересира

Министерство за здравство реагира на изјавата од ВМРО-ДПМНЕ: Посветуваме внимание на сите геријатриски установи

Ландов

Филипче: Обезбедени 61 единица конвалесцентна плазма за третман на пациенти со Ковид-19

Ана Ололовска

Филипче: Направена нова кадаверична трансплантација, двајца пациенти добија бубрег од починат донор

Ана Ололовска

Во „Св. Наум Охридски“ во услови на КОВИД-19 од март до јули над 50 илјади прегледи и 850 операции

Ана Ололовска

Поставен новиот монтажен објект на Пулмологија, од средина на август ќе се примаат пациенти

Ана Ололовска

Земјава во жолта фаза, да се почитуваат мерките за заштита, апелира Министерството за здравство

Ана Ололовска