Полицијата ги приведе четворицата скопјени кои вчера извршиле кражба на сеф од ТА „Авто Атом“ Кочани.
– СВР Штип по преземени мерки и дејствија откри и приведе четири лица: М.К.(23), Љ.Љ.(21), А.И.(22) и К.А.(24) сите од Скопје кои на вчера извршиле тешка кражба во ТА „Авто Атом“ Кочани од каде одзеле метална каса – сеф. По брзата интерванција на полицијата на ул.„Димитар Влахов“ во Кочани извршен е преглед на патничкото возило „Голф“ со скопски регистарски ознаки при што е пронајден одземениот сеф и лицата се приведени. Извршен е увид, запознаен Јавен обвинител и по целосно комплетирање и документирање на настанот ќе биде поднесена кривична пријава, соопшти МВР.
Четворицата скопјани се познати извршители на вакви и слични кривични дела.