Документите за операција на малата Ева во Бугарија биле фалсификувани, објави 24 Вести.
И од скопската детска клиника и од бугарската, за телевизијата тврдат дека Ева треба да се оперира евентуално после една година, не сега и не итно.
Директорката на Клиниката по детски болести и детска кардиологија Маргарита Цонзарова за 24 Вести остро демантира дека болницата бара 2.500 евра за лекување на 4 месечната Ева.
Адресата и телефоните на документите што ги објави семејството на фејсбук , не се совпаѓаат со податоците на бугарската болница каде што Ева била лекувана .
Таткото на Ева, Дејан Илиевски од Куманово, за А1 вели дека во прашање е недоразбирање, и дека ќе го докаже тоа.