Факултетот за безбедност – Скопје и Црвениот крст ќе соработуваат во градењето на системот за подготовка и одговор од катастрофи

Од:

Деканот на Факултетот за безбедност, Никола Дујовски, и проректорот на УКЛО, Марјан Ѓуровски, го посетија Центарот за подготвеност и одговор при катастрофи на Црвениот крст на Република Северна Македонија и се сретнаа со генералниот секретар на Цевениот крст, Саит Саити, со раководителот на Центарот за подготвеност и одговор при катастрофи, Али Самит, и со повеќе волонтери и вработени во Центарот.

За време на средбата, како што соопшти Факултетот за безбедност – Скопје, проректорот и деканот имаа можност непосредно да се запознаат со активностите што ги презема Црвениот крст за помош и поддршка на институциите и населението во услови на пандемијата Ковид-19. На средбата, како што се наведува, стана збор и за продлабочување на соработката меѓу Факултетот и Црвениот крст, а беа лоцирани и конкретни активности за обука и спроведување заеднички проекти.

  • Црвениот крст располага со значајни ресури кои се ставени на располагање на институциите кои работат на справување со здравствената криза, а помага и на населението преку достава на хуманитарни пакети со храна и средства за хигиена. Може да се забележи дека координацијата на активностите внатре во организацијата е на високо ниво, а со својата експертиза даваат сериозна поддршка и на државните институции, се вели во соопштението.

Активноста се реализираше во рамки на теренските активности од проектот „Функционирањето на безбедносниот систем во услови на вонредна и/или кризна состојба“, за што беа собрани значајни информации и податоци кои ќе бидат искористени во понатамошните фази на спроведување и давање препораки за градење нефикасен систем за управување со кризи и заштита и спасување, како и функционирањето на целокупниот безбедносен систем.

Би можело да ве интересира

Безбедносна конференција во Охрид: Зајакнување на капацитетите на институциите за справување со евентуален нов бран од коронаепидемијата

Ана Ололовска

Црвен крст: Имајте сет за прва помош, никогаш не знаете кога ќе ви притреба

Ана Ололовска

Медицинските сестри во фокусот на одбележувањето на 11 септември, Брнз даруваше крв во традиционалната иницијатва со Црве крст- Скопје

Ана Ололовска

Македонскиот Црвен крст отвори телефонски линии за донации за Бејрут

Жарко Настоски

Црвениот крст организира изложба на фотографии по повод 26 јули

Ана Ололовска

Факултет за безбедност: Потребни се итни промени и нова регулатива во делот на кризниот менаџмент, заштитата и спасувањето

Ана Ололовска