Фадил Арслани, осуден на 11,5 години затвор во судскиот предмет познат како „Чекан“, времено е ослободен од затвор поради влошена здравствена состојба.
Откако ќе го добие потребниот третман, што може да потрае околу 20 дена, затвореникот повторно ќе се врати во затвор.
Фадил Арслани беше дел од криминална група во регионот на Гостивар. Тие давале пари на заем, а од жртвите земале голема камата или имот. Тој во јули 2016 година заедно со групата од седум лица, познати како лихвари од Гостивар, добија вкупно 53,5 години затвор.