„Европскиот воз“ од Скопје пристигна во Солун

Од:

Од Скопје, преку Гевгелија и Идомени, „европскиот воз“ во рамките на „Connecting Europe Express“, кусо по 12 часот пристигна во Солун, каде што го пречекаа заменик-министерот за транспорт и инфраструктура на Грција Михалис Пападопулос и претседателот и извршниот директор на грчката железница Спирос Патера.

Папдопулос рече дека европската година на железницата е „голема можност да се промовира железницата како одржлив, иновативен и безбеден начин на транспорт“ и истакна дека во железничката мрежа, Солун може да стане центар во регионот и порафи географската положба и поради економската динамика.

-Визијата за трансформирање на Северна Грција, а особено на Солун во транзитен центар во јужна Европа може да се реализира преку надградба на железничките врски со соседните земји. Ова, можеме да го постигнеме сите заедно, институциите, граѓаните и бизнисите со преземање иницијативи и спроведување активности на европско, национално, регионално или локално ниво, рече заменик-министерот за транспорт и инфраструктура на Грција.

Попладнево, возот ќе пристигне во Атина, од каде што утре претпладне повторно ќе се врати во Солун и преку граничниот премин Кулата ќе замине за следната дестинација – Бугарија.

„Европскиот воз“ во рамки на „Connecting Europe Express“, што синоќа беше на железничката станица во Скопје, предвидено е да посети 26 земји од Европа.

Патувањето го започна на 2 септември во Лисабон, Португалија, а ќе го заврши, на 7 октомври во Париз, Франција.

Би можело да ве интересира

Привремен сообраќаен режим од петок до понеделник на автопатот Солун – Евзони

Горан Наумовски

Ѓорѓиевски: Да живее слободно Скопје

Левица: Извештајот на Европската комисија забележува дека ДПМНЕ подготвува европска престолнина на културата по вмровски рецепт за партиска контрола и нетранспарентно трошење

(ВИДЕО) Полицијата го казни возачот кој со автомобил возеше по велосипедска патека во Скопје

А1он

Тројца скопјани и струмичанец крадеа и убија две жртви во Ѓорче Петров

Горан Наумовски

Ѓорѓиевски: Кобилата и ждребето родено на улица во главниот град згрижени во ЗОО, МЗШВ и АХВ да постапат

Предраг Петровиќ