Европарламентарците Иво Вајгл, Ричард Ховит и Едуард Кукан, кои посредуваа за постигнување на договорот од Пржино, денеска се во Македонија и одржуваат одвоени средби со лидерите на политичките партии потписници на договорот. Во 14, 30 часот е закажана средбата на европратениците со Зоран Заев, претседател на СДСМ.
Вајгл, Ховит и Кукан се среќаваат и со специјалната обвинителка Катица Јанева, како и со претставници на државната изборна комисија.
Нивната задача е да ги убедат партиите да се забрза усвојувањето на преостанатите обврски од договорот од Пржино и од итните реформски приоритети што ги препорача Европската комисија.