Претседателот на Еврогрупата Јерун Дејселблум го извести грчкиот министер за финансии дека државите од еврозоната на 9 мај ќе имаат средба на која ќе се разгледа ситуацијата во Грција.
Според портпарол на Владата во Атина, планирана била средба за вчера, но таа била откажана откако било оценето дека нема доволно напредок во преговорите меѓу Грција и кредиторите за потребните рефоми на државата пред да биде префрлена нова транша од програмата за економска помош.
Претседателот на ЕС, Доналд Туск изјави во средата дека министрите би требало да определат нов датум за средба на Еврогрупата за Грција за да се избегне обнова на несигурноста за способноста на државата да се финансира.
Владиниот портпарол додаде дека премиерот Алексис Ципрас разговарал со претседателот на ЕК, Жан Клод Јункер и американскиот министер за финансии Џек Лу.
