Министерот за надворешни работи Никола Попоски, во интервју за турскиот весник весник „Хуриет“ предупредува дека било каков етнички конфликт во Македонија, ќе има ефект на целиот Балкан.
„Сите тензии на Балканот се случуваат на едно место и потоа се рефлектираат на остатокот од регионот. Ние сме во голема мера поврзани земји, вели Попоски за „Хуриет“.
Тој во интервјуто за турскиот весни рече дека гаранција за намалување на тензиите, е членството на Македонија во НАТО и Европската Унија, кои во моментов се блокирани.
„Ако целта на Македонија да стане членка на НАТО и ЕУ се постигне, тогаш било каква иницијатива за некакви радикални структури би била намалена“, изјави Попоски.
