Во рамки на есенската акција за чистење, општина Кисела Вода спроведува активности за расчистување на отпадоците/сметот во урбаните заедници 11 Октомври – бараки и згради.
– Утрово сезонските работници ангажирани од страна на Општината излегоа на терен и во моментов вршат расчистување на улиците, тротоарите и парковите кои се во надлежност на локалната самоуправа, се наведува во соопштението од општина Кисела Вода.
Со оваа акција опфатено е кастрење на исушените гранки на дрвјата и грмушките, а покрај ова, се собира и кабаст отпад.
Активностите за чистење на урбаните заедници 11 Октомври – згради и бараки ќе продолжат да се одвиваат и утре.
Од општина Кисела Вода апелираат до граѓаните да се придржуваат до Законот за јавна чистота, како би придонеле за почиста и поздрава животна средина.