Институтот за европска политика (ЕПИ) денеска во Скопје, во пресрет на објавувањето на Стратегијата за проширување на Западниот Балкан од страна на Европската комисија, ќе ги презентира податоците од дебатната анкета „Граѓаните прашуваат: Како и зошто во ЕУ“ што ја спроведе лани во ноември.
– Дел од темите кои ќе бидат презентирани се општите ставови за ЕУ, демократските и економските придобивки, како и ставовите на граѓаните околу проблемот со името. Податоците кои ќе бидат презентирани го претставуваат мислењето на граѓаните пред и по детално запознавање со темите покриени во анкетата, велат од ЕПИ.