Елена Тевчева е нов претседател на општинската организација на ЛДП од Велес. На синоќешното изборно собрание, таа доби поддршка од присутните долегати за нов четиригодишен мандат на чело на велешкиот огранок на оваа партија.
Во својата програма за работа, претседателката вети амбициозни проекти, кои, според неа, ќе ја етаблираат општинската организација на ЛДП од Велес и ќе ја направат уште попрепознатлива политичка опција од центарот.
„Секојдневно во партијата доаѓаат нови членови кои сакаат да дадат свој придонес на претстојните предвремени парламентарни избори, за да се случат промените на политичката сцена и оваа власт конечно да замине во историјата.“
Тевчева е актуелен член на Советот на општина Велес, а за неа ова е втор мандат на чело на општинската организација на ЛДП Велес.
На изборното собрание присутен беше лидерот на ЛДП Горан Милевски, кој за почетокот на декември најави трибина во Велес.