(ВИДЕО) Ексвработен во бифето на Економски факултет: Шуклев бараше секс или пари за оценка на студентка

Од:

Ексвработен во бифето на Економскиот факултет, Дејан Трајковиќ, кој е сведок во случајот „Еразмус“, во судницата рече дека професорот Бобек Шуклев од студентка барал секс или пари во замена за преодна оценка. Трајковиќ бил посредник помеѓу две студентки и професорот и тврди дека не дошло до договор за секс во замена за оценка. Сведокот во исказот рече дека тој очекувал исто така да добие сексуални услуги од девојчињата во замена за посредувањето меѓу нив и професорите.

„Професорот Бобек најчесто доаѓаше во бифето. Со него сум појадувал, а сме разговарале за многу работи. Имавме седено со две девојчиња, кои доаѓаа во бифето. Тие бараа оценка кај професорот Бобек Шуклев во неколку наврати. Кога седевме јас и девојчињата во бифето, професорот појадуваше. Тие ме прашаа дали може да се реагира кај професорот да се добие оценка. Јас го прашав. Тој праша како се вика и потоа рече дека нема шанси оти била слаба студентка. Потоа пак ме викна и ми рече дека ако има секс со неа ќе ѝ стави оценка или во спротивно треба да плати околу 1.000 евра. Му кажав на девојчето по што таа рече дека ќе си плати, но нема да има секс со него. Јас му пренесов. Професорот ми рече дека многу би сакал да има секс со неа, но ако таа не сака, да си плати. Му пренесов на девојчето“, рече сведокот Трајковиќ.

Во својот исказ Трајковиќ рече дека не знае како се викаат девојчињата. Тој додаде дека секој професор имал своја тарифа за да им даде преодна оценка на студентките.

„По некое време, во бифето дојде демонстраторот Драган Денковски и ми рече: ‘Ако сака некој да плати за оцена, може да му завршам работа’. Со тоа што тој ќе ми кажел цена за одреден професор, а потоа со индексот и парите тој ќе заврши работа. Кога тоа им го кажав на девојчињата, тие ме прашаа за неколку професори од кои им требаат оценки. Тие ме прашаа за професорите Славе, Драги, Шуклев, но и за некоја професорка… Се слушнав со Денковски и ми кажа за кај кој професор колку пари треба. За Шуклев, требаше да го прашам директно, за Славе 500 евра. Бидејќи сумите се големи, девојчињата ме прашаа дали може да платат на рати. Јас го прашав Драган, тој рече нема шанси. Потоа ми дадоа пари за да платам кај Драги Јанев и Славко Ристевски, а јас ги предадов кај Драган Денковски. Девојчињата прашаа до каде е работата со оценките, јас го прашав Денковски по што тој ми рече да почекаат ако сакаат да се заврши работата. Едната ми покажа дека добила оценка, а другата беше кај професорот Славе Ристевски за да ѝ стави оценка“, додаде Трајковиќ во исказот.

Професорот Денковски не дозволуваше студентките да се запознаат со него, рече ексвработениот во бифето, додавајќи дека неговиот исказ не може да го потврдат студентките.

Професорот Славе Ристевски го праша Трајковиќ: „Каде се парите?“ по што сведокот рече: „Парите што ми ги дадоа девојчињата му ги дадов на Драган Денковски“.

Обвинителството за организиран криминал за предметот „Еразмус“ гони петмина осомничени, меѓу кои поранешниот декан и професор на менаџмент, Бобек Шуклев. Предметот е отворен во јуни 2016 година. Професорите се сомничат дека барале и примале поткуп од 500 до 1.000 евра за да им пишат преодна оценка за положен испит на студенти без знаење, а имало случаи кога студенти добиле шестка иако немале право да го полагаат испитот или не им бил пријавен во таа испитна сесија. Осомничени се професорите Бобек Шуклев, Славе Ристески, Драган Јанев и Стојан Дебарлиев.

Би можело да ве интересира

Обвинителството ја отфрли пријавата на антикорупциска против ректорот на УКИМ

Мери Јордановска

ВИДЕО: За 11 години УКИМ ќе остане без професори

Ана Василевска

Првите индекси од УКИМ за 2019/2020 врачени на бруцоши од ФМУ

Ана Ололовска

Прв академски час за новите студенти

Ана Ололовска

Ацески: Системот на образованието на УКИМ е корумпиран

Ана Ололовска

Катедрата за италијански јазик и книжевност ќе одбележи 60 години постоење

Ана Ололовска