Силна детонација ги вознемири жителите на улицата „18 Ноември“ во Гостивар, откако непознато лице, утрово, најверојатно фрлило експлозивна направа во дворот на куќата со број 43, сопственост на гостиварецот Ф.З. (64). Од експлозијата нема повредени, но е причинета материјална штета.
Според СВР Тетово, експлозивната направата, односно рачната граната кашикара била активирана десетина минути пред 3 часот. По извршениот увид од страна на екипа на крим техника, биле утврдени оштетување на возило марка „тофаш“, помошниот објект кој бил користен како гаража, фасадата на куќата и влезната врата.
Сопственикот и синот по пријавувањето на настанот изјавиле дека се изненадени, бидејќи немале проблеми или закани. Предизвиканата штета се проценува на околу 200 илајди денари.
Полицијата работи на расветлување на случајот.
