Она што најмалку се очекуваше, отвори проблем. Партиите не можат да се усогласат околу имињата на тројцата експерти. Меѓународниот фактор инсистира на договор и функционирање на ДИК во нов состав
Евроамбасадорот Аиво Орав предупреди дека сите рокови од договорот од Пржино се пробиени, а Белгискиот олеснувач смета дека решение за избор на експерти за ДИК е можен.
Партиите на сите 40-тина аспиранти за 3-те места гарантирани за експерти во ДИК им најдоа забелешки, но според најавите кругот е стеснет на десетина.
Се споменуваат имињата на универзитетскиот професор Стефан Буџаковски, адвокатот Билјана Георгиева, новинарот Горан Трпеновски, раководителот на собраниски служби Реџеп Прекопуца, Фатон Бејта и Феми Стафа, а тука е и Заге Филиповски, долгогодишен експерт за изборни прашања на ОБСЕ.
Рокот е одамна пробиен, а според Законот доколку политичките партии не постигнат согласност, собраниската Комисија за избори и именувања треба да ги предложи тројцата кандидати за експерти во ДИК.
Партиските кандидати веќе се извесни .Кандидати, на ВМРО-ДПМНЕ се Силвана Бонева и Сашо Срцев, на СДСМ Виолета Дума и Игор Милев, на ДУИ Субхи Јакупи и на ДПА Бедредин Ибраими.
Комисијата според договорот во Пржино ќе има зголемени ингеренции, но ќе одлучува и за секое вето на дополнителните заменици министри.