Kочанското здружение на студенти „Павел Шатев“, заедно со петнаесетина студенти волонтери од Турција и Франција, учествуваа во еколошка акција за расчистување на околинатата на вештачкото езеро Градче.
-Акцијата се спроведе на брегот од езерото Градче од левата страна спроти стариот мотел. Притоа беа собрани 30-тина вреќи со одпадоци и истите со возило на комуналното претпријатие „Водовод“ од Кочани се депонирани на градската депонија. Акцијата успешно е реализирана за што сите кои учествуваа во истата се задоволни, истакна Благој Ристов, претседател на здружението„Павел Шатев“ од Кочани.
Волонтерите од Турција и Франција кои веќе неколку недели престојуваат во Кочани, упатуваат апел до граѓаните на Кочани и излетниците од страна, да ја чуваат природата и околината.