Од денес, на веб порталот на Општина Кисела Вода, почнува да функционира еко канал. Истиот ќе понуди едукативни текстови поврзани со заштитата и унапредувањето на животната средина, справувањето со еколошките ризици, заштитата на природата, водите почвата, управувањето со отпадот, аерозагадувањето, климатските промени и слично. Ќе можат да се добијат и известувања за конкретните активности на Одделението за заштита на животната средина при Општина Кисела Вода кое е во рамките на Секторот за комунални работи, инфраструктура и сообраќај, соопштуваат од Општина Кисела Вода.
„Содржините кои од денес ќе ги нуди овој еко канал се почетна платформа за неговиот планиран лик и функционалност.
Се надеваме дека преку соработката со другите надлежните институции од областа на животната средина, како и преку бројните предлози и идеи од граѓаните, истиот ќе прерасне во информативна самостојна веб страница како за жителите на општина Кисела Вода, така и за жителите на Скопје“, се вели во соопштението на Општина Кисела Вода.