Европската комисија го поздрави постигнатиот договор меѓу ЗНМ и Владата за декриминализација на клеветата и навредата.
„Ова е добра вест, не само за земјата туку и за медиумите и слободата на медиумите воопшто“, изјави Петер Стано, портпарол на еврокомесарот за проширување Штефан Филе.
„Европската комисија става исклучителен акцент врз прашањето на слободата на изразување и слободата на медиумите во целиот процес на пристапување со секоја земја која сака да стане членка на ЕУ. Го поздравуваме овој Договор меѓу Владата во Скопје и Здружението на новинари. Ова е многу позитивен настан“, додаде Стано.