Здружението „Граѓански центар за одржлив развој – ЕГРИ“ од Крива Паланка е единствен претставник од Република Македонија кој во партнерство со уште девет Европски земји ќе го имплементира проектот „Добредојдени сте“, чијашто цел е подобро прифаќање на мигрантите.
Здруженија и локални самоуправи од Грција, Србија, Германија, Словачка, Австрија, Унгарија, Данска, Чешка, Англија и Македонија ќе работат на зголемување на свеста за подобро прифаќање на мигрантите.
-Сите инволвирани страни во рамки на проектот ќе спроведат работилници со локалното население за подобрено прифаќање на мигрантите, анкета за анализа на прифаќањето на мигрантите, како и два видео-спота со тема мигранти, информира Андриана Ивановска – Давитковска од „ЕГРИ“.
Проектот ќе се имплементира преку мерката „Мрежа на збратимени градови“ финансисрана од програмата „Европа за граѓаните“ од Извршната агенција за култура, образование и аудио-визуелизација (ЕАЦЕА), со седиште во Брисел.
-Какао партнери во проектот присуствувавме на состанокот во Дрезден, Германија, каде беа формулирани и начелно договорени активностите кои ќе се спроведат во претстојниот период, по што следи фазата на подготовка на работилниците, додаде Ивановска-Давитковска.
Изработените видео-спотови од проектните активности ќе бидат претставени на филмски фестивал во Солун, во септември годинава.