Едукативно предавање за органодарителство во Кочани

Од:

По повод одбележувањето на Светскиот ден на бубрегот – 9 Март во Кочани се одржа едукативно предавање на тема „Органодарителство“. Организатор е Здружението на бубрежно болни граѓани „Нефрон“, огранок Кочани, во соработка со Општинската организација на Црвениот крст Кочани.

– Целта на ова предавање е да го истакнеме значењето на бубрезите како орган, како и да објасниме повеќе за органорадителството и колку е важна таа постапка за да се спаси нечиј живот, рече Анета Коцева, секретар на Општинската организација на Црвениот крст Кочани.

Предавач беше д-р Марјан Ефтимов, вработен во Центарот за дијализа Кочани.

Гоце Арсов изјави дека три години и осум месеци бил пациент на дијализа.

– Откако ми се јави докторката и ми кажа дека пронајдоа дарител што ќе може да ми дарува бубрег, а станува збор за починато лице, многу се израдував што повторно ќе бидам ист како другите луѓе и нема да има потреба повеќе да одам на дијализа. Успешна беше трансплантацијата и сега сум добар со здравјето, рече Арсов. Тој порача сите да се пишат како донатори бидејќи на тој начин можат да спасат нечиј живот.

Откако една година беше стопирано, сега во Македонија повторно се извршува трансплантација на органи согласно Законот за земање делови од човечко тело заради лекување на друго лице.

По повод Светскиот ден на бубрегот во Трговскиот центар во Кочани беа поставен и штандови на кои волонтерите на Црвениот крст и претставници од Центарот за дијализа Кочани, како и од Здружението „Нефрон“ им делеа флаери на граѓаните за заштита и превентива од бубрежни заболувања.

Би можело да ве интересира

Се запали куќа во Кочани: Пожарникарите спасија повозрасна жена, три лица завршија во болница

Горан Наумовски

(ВИДЕО) Костова: Мицкоски гази по достоинството на родителите на жртвите, излезе на виделина суровоста и ароганцијата

(ВИДЕО) Тренчевска: СДСМ поднесе амандман за обезбедување 1,2 милијарди денари за поддршка на настраданите во трагедијата во Кочани

(ВИДЕО) Кузеска: Владата ќе потроши 1,8 милиони евра на кампања за ЕКСПО во Белград, а нема пари за Кочани и за пожарникарите

Горан Наумовски

Support Kocani: Денес пристигна и беше донирана втората пратка компресивна облека на Општата болница во Кочани

Горан Наумовски

Нови амбулантни возила и изградба на Центар за изгореници предлага Левица со амандмани кон ребалансот