Партијата Алијанса на либерали и демократи на Европа на средбата во Осло, Норвешка, денеска усвои итна резолуција за Р. Македонија. Во неа е наведено дека најновите случувања водат кон дестабилизација на државата и поширокиот регион.
• Политичката ситуација во Македонија забрзано се влошува.
• Одредени високи владини функционери се обвинети за тежок криминал.
• Настаната ситуација води кон дестабилизација на земјата, која може да има последици и за поширокиот регион.
Од тука Алијансата на либерали и демократи на Европа повикува на:
• Итна оставка на Владата и формирање на преодна влада поддржана од сите политички партии.
• Меѓународно набљудуван процес кој ќе ги истражи обвиненијата, ќе обезбеди и гарантира независен судски процес.
• ЕУ и САД, како потписници на Охридскиот рамковен договор во 2001, да ја преземат својата улога како гаранти за мирот и стабилноста на земјата.
• Европската Народна Партија (ЕПП) да заземе јасен став за обвиненијата за високи фунционери на нивната членка во Македонија – ВМРО- ДПМНЕ.
Едногласно усвоената итна резолуцијата за Р.Македонија е предлог на сестринските партии: Холандските Демократи 66, Британските Либерал-Демократи, Каталонската Демократска Конвергенција и Европската Либерална младина.
Членки на АЛДЕ партијата се владечките партии на Белгија, Естонија, Финска, Луксембург, Холандија и Словенија, како и коалиционите партнери во владите на Чешката република, Литванија, Швајцарија и Хрватска.