Едно лице загина во сообраќајна несреќа што се случи утрово на автопатот кон граничниот премин „Богородица“ кај клучката Гевгелија.
Како што соопшти МВР, сообраќајката се случила околу 8:00 часот, кога патничко возило „тојота авенсис“ со белгиски регистерски ознаки управувано од М.В.(68), удрило во товарно возило со скопски регистерски ознаки. При тоа на лице место починала сопатничката во “тојотата“ Марија Д.(67) од Белгија, додека возачот се здобил со тешки повреди.
Увидот е во тек, а сообраќајот е пренасочен низ село Богородица.