Едно лице загина во сообраќајна несреќа што се случила утрово во 4:30 часот во близина на гостиварското село Топлица на регионланиот патен правец Гостивар-Градец.
Од СВР Тетово информираат дека Сеадин А.(40) од Падалиште, гостиварско, кој управувал со автомобил „пежо 306“, при излетувањето удрил во ограден ѕид од куќа. Непосредно по несреќата, била повикана брза помош од Гостивар, но дежурниот лекар констатирал смрт на возачаот кој бил сам во возилото.
Увид на местото на настанот извршиле, јавен обвинител, истражен судија и екипа на СВР Тетово.
Според првичните сознанија, како причина на несреќата се наведува не прилагодена брзина на движење. Телото на починатиот возач е дадено на обдукција.
