Едно лице е повредено од огнено оружје при пукотница што случи денеска во 12 часот и 40 минути во близина на тоалетот од спортската обложувалница „Спорт лајф“ која се наоѓа на улицата „Маршал Тито“ во Струга, потврди портпаролот на СВР Охрид Стефан Димоски.
– Педесет и тригодишниот А.Н. од струшкото село Велешта се здобил со повреди во градниот кош по што е пренесен во Општата болница во Струга, а потоа, поради сериозноста на повредите префрлен во ургентен центар во Скопје. Настанот се случил денес во 12 часот и 40 минути во близина на тоалетот од спортската обложувалница која се наоѓа на улицата „Маршал Тито“ во Струга. Од засега непознати причини дошло до пукање. Тука е забележан повредениот А. Н. веднаш до него и огнено оружје пиштол марка „Берета“ калибар 9 милиметри, појасни Димоски.
Полициската станица од Струга презема мерки за целосно расветлување на сите аспекти на овој настан.