Едно лице е повредено во инцидентот што се случил вчера околу 15 часот во чајџилница во скопското село Долно Свиларе.
Од полицијата информираат дека вчера во 15:00 часот во ЦИК-Скопје се јавил лекар од ГОБ „8-ми Септември“ и пријавил дека кај нив е донесено лицето Г.К.(30) со телесни повреди во пределот на главата. Повредата му била нанесена во чајџилницата во с.Долно Свиларе, скопско каде се сретнал со Х.М.(29) кој таму дошол со уште неколку лица.
Според изјавта на Г.К., додека седеле на маса настанала вербална расправија меѓу повредениот од една страна и Х.М. и останатите лица од друга страна, по што некој од напаѓачите извадил пиштол и испукал неколку куршуми по што го напуштиле местото на настанот. По преземени мерки Х.М. е приведен, а се преземаат мерки за пронаоѓање и на останатите лица по што ќе биде поденсен соодветен поднесок.