Една година по крвавиот четврток во Собранието, условно се осудени само 9 лица. Упадот беше организиран чин за ВМРО-ДПМНЕ да остане на власт. Маскирани лица нападнаа пратеници и новинари, со планирано сценарио за убиства.
Локви крв имаше во прес-центарот на Собранието. Пратеникот Зијадин Села беше во бессознание, додека дел од пратениците беа тешко повредени, со пукнати глави.
Една година по крвавиот четврток во Собрание, кој е нарачателот?
Една година по крвавиот четврток во Собрание, кој е нарачателот?
Posted by A1on.mk on Петок, 27 април 2018
Напаѓачите со стативи, компјутери, столици и други предмети фрлаа кон присутните, сите стравуваа за своите животи мислејќи дека нема да излезат живи. Полицијата не реагираше неколку часа, а по нападот, стотина лица барале лекарска помош во болниците. Ден по упадот, беа пронајдени експлозивни направи пред прес-центарот во Собранието.
Обвинителството не откри кој е осомничен за нарачател и организатор на упадот. Помеѓу напаѓачите имаше вработени во полицијата и армијата, но и поранешни затвореници осудени за тешки кривични дела. Дел од осомничените излегоа од притвор, а останатите го чекаат почетокот на судењето. За крвавото сценарио, нема отпочнато судска постапка. Обвинителството испитува, судот бавно реагира. Организаторите и нарачателите и по една година се на слобода.
Кристијан Ландов