Првиот вицепремиер и министер за политички систем и односи меѓу заедниците, Артан Груби за време на вториот ден од престојот во Албанија, оствари средба со премиерот Еди Рама – информираат од кабинетот на Груби.
Првиот вицепремиер Груби му рекол на Рама дека е за поздравување фактот што меѓу двете земји немало и нема ниедно отворено прашање, но напротив скоро сите успеси билезаеднички, и чекорот кон членството во НАТО и дури сега патот кон интеграцијата во Европската Унија.
Како што инфромираат од Кабинетот Груби и Рама разговарале и за спорот што во последните месеци се реактуализира меѓу Македонија и Република Бугарија и се согласиле дека проблемите и отворените прашања меѓу соседите треба да се надминат само преку дијалог.
„Двајцата соговорници, првиот вицепремиер Груби и премиерот Рама ја пофалија досегашната посветеност на дијаспората од Северна Македонија, бидејќи за помалку од еден месец повеќе од 130.000 луѓе одговорија позитивно на поканата за регистрација“ – стои во соопштението.