Вчера околу 09.30 часот во село Челопек, тетовско, 56-годишниот С.И. управувајќи „Фолксваген Голф“ со скопски регистарски ознаки, удрил во паркирано патничко возило.
По незгодата, С.И. бил пренесен во Клиничкиот центар Тетово, каде била констатирана смрт.
По наредба на Јавен обвинител телото на починатиот било дадено на семејството. Увид на местото извршила екипа од СВР Тетово.