МВР извести дека вчера во 23.12 часот во СВР Битола било пријавено дека на регионалниот пат Македонски Брод – Кичево се случила сообраќајна несреќа помеѓу возило „БМВ“ управувано од М.К.(23) од Кичево, возило „ауди“ управувано од Ѓ.И.(40) од Кичево, како и со четири паркирани возила: „БМВ“, „ауди“, „фолксваген шаран“ и „опел“.
Во незгодата починал М.К., а смртта е констатирана во Градска болница Кичево, додека со тешки телесни повреди се здобил вториот возач на „аудито“ Ѓ.И., како и уште четири сопатници во двете возила, „мерцедес“ и „ауди“, а две лица (сопатници), се здобиле со телесни повреди, сите констатирани во болницата „Св. Еразмо“ во Охрид.
Извршен бил увид од увидна екипа на СВР Битола.