Еден загинат и петмина повредени во сообраќајката на патот Куманово – Крива Паланка

Од:

Едно лице почина, а петмина се повредени во тешката сообраќајна несреќа што се случи денеска во 14:15 часот на регионалниот пат Куманово-Крива Паланка кај селото Облавце, потврди полицијата.

Несреќата се случила помеѓу три возила, товарно моторно возило, „Џип Гранд“ со бугарски регистарски ознаки, управуван од 27 годишниот Ф.А од Куманово и автомобил „Алфа Ромео“. Во несреќата починал возачот на џипот Ф.А, а пет лица се повредени и однесени во кумановската општа болница, информираше МВР.

-Повредените не се во животна опасност, имаат повреди на екстремитети и посекотини на лицето. Едниот од нив е однесен на опсервација на рентген дијагностика. Сите се задржани во кумановската болница,изјави директорката на болницата, Снежана Захариева.

На местото на несреќата биле и две амбулантни возила од кумановската Итна помош, како и три противпожарни возила од противпожарните единици на Куманово и Старо Нагоричане.
Увидот на полицијата се уште трае, сообраќајот е се уште во прекин.

Би можело да ве интересира

Меморандум за соработка помеѓу Општина Куманово и Хуманитарно здружение “Мајка”

Кога убиецот шета слободен, целата нација е жртва – реакција на семејството на Теодора откако Апелација ја потврди двегодишната казна за возачот кој јa прегази

Катерина Ѓуровски

Труење со храна на семинар во ресторан во Куманово, двајца хоспитализирани

Кривична против 11 кумановци – направија шема за увоз и регистрација на половни моторни возила по половина цена

А1он

Сообраќајот на патот Гостивар – Кичево е нормализиран, повредените пренесени на скопските клиники

А1он

Во прекин е сообраќајот на патот Мавровска крстосница – Гостивар, се судрија автомобили и мотоцикли

А1он