Еден загинат и четворица се тешко повредени во сообраќајна несреќа која се случи утринава, во 04:40 часот, на автопатот Велес-Куманово, кај клучката за вртење кон аеродромот „Александар Велики“.
Во такси возилото, марка „Сеат“ кое било со велешки регистарски таблици, се превезувале 4 странски државјани, најверојатно илегалци од Пакистан. Возилото, од непознати причини излетало од патот и неколку пати се превртело.
Еден од патниците загинал на лице место, додека возачот и останатите патници се здобиле со тешки телесни повреди и биле пренесени во болница.