Џафери закажа седница за разрешување на Катица Јанева

Од:

Претседателот на Собранието на Македонија, Талат Џафери за утре ја закажа седницата за разрешување на Специјалната јавна обвинителка Катица Јанева.

Мандатот како специјална обвинителка на Јанева и завршува на 15 септември. Таа моментално е осомничена во случајот „Рекет“ и се наоѓа во притвор во затворот „Скопје“ во Шуто Оризари.

Јанева од притвор минатата потпиша решение предметите кои ги води СЈО да бидат префрлени во Јавното обвинителство на Македонија. Од утринава започна процесот за преземање на предметите од едно во друго обвинителство.

Јавниот обвинител Љубомир Јовески истакна дека нема пречка „бомбите“ и понатаму да бидат доказ во истрагите на СЈО.

Тој исто така појасни дека предметите по преземањето ќе бидат распоредени по обвинителства и по обвинители, а дотогаш предметите кои се во фаза на судење остануваат кај обвинителите од СЈО.

„Приоритет ќе имаат предметите што се во фаза на судење”, рече Јовески.

Во поглед на обвинителите во СЈО, како што вели јавниот обвините, Советот на јавни обвинители ќе ги врати во обвинителствата од каде што дошле.

Би можело да ве интересира

Вечерва продолжува собраниската расправа за именување на Славески за гувернер на Народна банка

Парламентот го донесе Законот за ратификација на Договорот со Обединетото Кралство

Парламентарното мнозинство можно е да се зголеми и да биде над 70 пратеници, вели Гаши

Валбона Адили Емини од ВРЕДИ нова пратеничка во Собранието по оставката на Салим Сулејмани

Договорот со Велика Британија пред пратениците

Катерина Ѓуровски

Гувернерското место на Трајко Славески пред пратениците

Катерина Ѓуровски