Џафери реагира на истражувањето на „А1он“ за кириите на пратениците, загрозена им била безбедноста

Од:

Претседателот на Собранието Талат Џафери реагира на објавената истражувачка сторија на „А1он“, во која беше обелоденето дека дел од пратениците кои изнајмуваат станови под кирија за 400 евра од буџетот на Собранието, истите ги изнајмуваат од свои роднини и пријатели, а за дел од нив се отворија сомнежи дали воопшто живеат во становите.

Реакцијата од Собранието ја пренесуваме во целост:

Во врска со денешниот текст на порталот А1он.мк, кој се однесува на условите и начинот на кој пратениците во Собранието на Република Северна Македонија добиваат надоместок за закупнина на стан, сакам да ја информирам јавноста дека: Пратениците во Собранието на Република Северна Македонија надоместоците за закупнина на стан и за користење на автомобил во лична сопственост за службени цели ги добиваат согласно Законот за пратеници и Одлуката за утврдување на висината на надоместокот за закупнина на стан, донесена од Комисијата за прашања на изборите и именувањата, врз основа на член 31 од Законот за пратеници. Во одлуката јасно се дефинирани условите под кои пратениците што живеат надвор од територијата на град Скопје можат да изнајмат стан во Скопје, доколку не користат надоместок за користење на автомобил во лична сопственост за службени цели. Сите пратеници во Собранието на Република Северна Македонија што во моментов добиваат надоместок за закупнина на стан, ги исполнуваат условите што се предвидени во таа Одлука.

Оттука, како претседател на Собранието на Република Северна Македонија, го разбирам интересот на медиумите за еден вид контрола на трошењето на буџетските средства, но истовремено апелирам да се внимава на приватноста и на безбедноста на пратениците. Република Северна Македонија е парламентарна демократија, претставена од пратеници кои ги избираат граѓаните на општи, непосредни и слободни избори. Доколку како држава сакаме граѓаните на Република Северна Македонија да бидат рамноправно и подеднакво застапени во Собранието, тогаш пратениците коишто доаѓаат надвор од територијата на град Скопје мора да добиваат одреден надоместок за трошоците што ги имаат поради оддалеченоста на нивното место на живеење од град Скопје.

Редакцискиот коментар на „А1он“ до Џафери може да го прочитате на следниот линк.

Би можело да ве интересира

Џафери за српска „Политика“: Докажавме дека Албанец на значајна позиција не е бауч

Ана Ололовска

Џафери: Слободата на изразување на мајчин јазик игра суштинска улога во заштитата на сите други права

Собраниска делегација учествува на 14-та сесија на Парламентарното собрание на Медитеранот во Атина

Ана Ололовска

Реакции во француски медиуми за распуштањето на Парламентот и предвремените избори

Ана Ололовска

Брнс го поздрави постигнатиот успех на досегашниот парламентарен состав

Ана Ололовска

Џафери: Фер и демократски избори ќе бидат прилог плус за старт за преговорите со ЕУ

Ана Ололовска