Џафери: ЕУ не се бави со прашањето Иванов, не очекуваат друго однесување од него

Од:

Однесувањето на Ѓорге Иванов и непотпишувањето на 15 закони, изгласани од Собранието, дел од нив и реформски, нема да влијае и нема да има последици на одлуката на Европскиот совет. Тие, рече во изјава, претседателот на Собранието на Република Северена Македонија, Талат Џафери, се свесни дека законите се донесени во предвидениот рок, и дека оние за кои треба прегласување повторно ќе се изгласаат и ќе станат активни.

„Европската унија веќе не се бави со прашањето Иванов, знаат дека е на крај на мандатот, и не очекуваат друго однесување од него“, рече Џафери.

За законите кои не се носат со 80 гласови, Џафери е должен да закаже седница во рок од 30 дена, рокот е до 28 март, но бидејќи тогаш ќе има седница за пратенички прашања, седницата најверојатно ќе биде закажана на 27 март.

– Законите кои се донесоа со 2/3 мнозинство, меѓу нив и Законот за судовите, според Уставот, Иванов не може да ги врати повторно во собраниска процедура. Тој е должен да ги потпише, рече Џафери.

Џафери не ја исклучи можноста Законодавниот дом да работи и во април кога ќе почне кампањата, но и не мора. Негова обврска е да ја закаже седницата, но гласањето ќе зависи од должината на дискусиите и пријавените пратеници за збор.

Би можело да ве интересира

Собранието ќе ги продолжи прекинатите опозициски пратенички прашања

А1он

Собранието го донесе вториот ребаланс на Буџетот за 2026 година

Милошоски: Измени на Кривичниот законик за намалување на ризиците поврзани со членството во СЕПА

(ВИДЕО) Опозицијата го критикува вториот ребаланс на Буџетот: Висок дефицит и намалени капитални инвестиции

Законот за јавни набавки повторно во Собранието, поднесени 2.158 амандмани

Катерина Ѓуровски

За измените на Законот за јавни набавки поднесени 2.158 амандмани, ВМРО-ДПМНЕ бара бришење на членот оспорен од претседателката Сиљановска Давкова