Двојно убиство во тетовско Челопек се случило попладнево. 60 годишен маж усмртил двајца негови роднини.
МВР ја потврди информацијата за А1он, информирајќи дека осомничениот е веќе уапсен.
„ По пријава дека околу 14 часот и 10 минути со огнено оружје во тетовското село Челопек усмртил двајца негови роднини, а еден повредил, полициски службеници од СВР Тетово го лишија од слобода И.И. (возраст околу 60 години) од тетовското село Челопек“ велат од МВР.
Осомничениот, освен што ги усмртил роднините и ранил уште едно лице, исто така, се здобил со повреди, најверојатно од огнено оружје. Тој е приведен во полициска станица и се преземаат мерки за расчистување на случајот.
