Советот на општина Центар, на вонредна седница денеска, ќе расправа за случувањата во ООУ „Димитар Миладинов“.
И во ООУ „Димитар Миладинов“ се повторува сценариото од ООУ “11-ти Октомври“ при изборот на директор. Спротивно на сите закони и прописи, еден член на училишниот одбор при изборот на директор имал и по три гласа.
Од деветте члена на училишниот одбор, тројцата кандидати за директор добиле 18 гласа.
Советниците од СДСМ поради незаконитата вчерашна постапка бараат истата да се поништи, бидејќи велат, согласно позитивните законски прописи, еден член има право на еден глас.