Двајцата патници од автомобил „ауди“ кој излетал од патот на делницата Прилеп-Градско го загубија живтотите. Се работи за маж на возраст од 60 и за жена на 57-годишна возраст, двајцата од Делчево.
– На 06.08.2025 околу 14:35 часот во СВР Велес било пријавено дека на експресниот пат Прилеп-Градско, патничко возило „ауди“ со делчевски регистарски ознаки, управувано од Ќ.С.(60) од Делчево, излетало од коловозот. Од здобиените повреди на местото на несреќата починале возачот и неговата 57-годишна сопатничка С.С. од Делчево, се вели во известувањето од МВР.
Лекар од Итната медицинска помош констатирал смрт, а по наредба на јавен обвинител телата на починатите биле дадени на обдукција. Извршен бил увид од увидна екипа на СВР Велес.