Утрово, во 09,15 часот, на магистралниот пат Гостивар-Кичево кај кичевското село Зајас, се случила сообраќајна несреќа помеѓу товарно моторно возило „мерцедес“ со тетовски регистарски ознаки, управувано од 58-годишниот М.И. и патнички автомобил „голф“ со тетовски регистарски ознаки, управуван од 78-годишниот А.И., двајцата од Тетово, извести СВР Охрид.
На местото на несреќата, на повредите им подлегнала 54-годишната Т.В. од Тетово додека во амбулантно возило, на пат кон Ургентниот центар во Скопје, починала 75-годишната С.Ц. од Тетово, двете сопатнички во второто возило, соопшти СВР Охрид.
По наредба на јавен обвинител, врз телата на починатите ќе се изврши обдукција. Увид на местото на незгодата извршија јавен обвинител и полициски екипи.